ما تيجي كدا ندخل غرفة في فندق ونشوف ايه اللي موجود فيها من المكونات المختلفة لنظام إدارة غرف الضيوف GRMS
نبدأ اولا بالغرفه من برا وهنلاقي الـ
1- قارئ الكروت Card reader
ودا بيكون عباره عن glass button وظيفته الاساسية انك بتمرر الكارت الخاص بيك قدامه بيفتحلك الباب وبيحتوى على مجموعة من المؤشرات الضوئية Indicators اللي بتعمل ال GRMS Function:
A- MUR (Make Up Room)
ودا بنطلب بيه الـ Housekeeping علشان يساعدونا في إعادة ترتيب وتنظيم الغرفة و بيكون لونها أخضر
Standard color code is a Green indicator
B- DND ( Do Not Disturb)
ودا وضع لـ طلب عدم الإزعاج من أي شخص وبيكون لونها أحمر
Standard color code is a Red indicator
C- Bell
ودا بيكون زر Button بنطلب بيه جرس الغرفه للتنبيه.
وشكلها زي الصورة دى
أوقات بيكون رقم الغرفة موجود على قارئ البطاقات “الكروت” الـ Card Reader بردو وفي طبعا اشكال والوان مختلفة منه تناسب طبيعة تشطيب الفندق.
وللتأسيس بيكون في علبة 72mm*72 mm أو تجاوزا العلبه الـ 7*7 زي ما مشهورة هنا في مصر.
وطبعا كل بطاقة “كارت” ليه تقنية Technology خاصة بيه سواء كان RFID أو Proximity أو Mifare أو غيره وكل بطاقة “كارت” ليه مدى ترددى Frequency Range معين بيشتغل عليه.
وبيتم برمجة البطاقات “الكروت” عن طريق جهاز اسمه Card Encoder.
الكارت الخاص بالغرفة بيكون علشان الدخلول Only level of accessibility
وكمان بيكون متبرمج عليها Level of functionality
يعني لو غرفة رقم ١٠٠
بيكون ليها كارت دخول ك Guest
وكارت دخول ك Staff
وكارت دخول Housekeeping
وكل واحد من دول ليه Access على الغرفه ولكن لما بيدخل بيقدر بس يتحكم ف احمال معينة.
كمان اوقات الكروت دي بتترمج ل دخول أكتر من غرفة Multiple access
ولكن بـ level of
functionalities (permission to control the function)
أقل (يقدر يتحكم في أحمال قليلة) زي الـ Housekeeping
دخلنا الغرفه في معظم المخططات Layouts بيكون في طرقة صغيرة واللي بيكون موجود فيها حساس حركة أو حساس وجود وفي جانب الباب حامل البطاقة الـ Card Holder.
دا بيكون فيه مكان للكارت بتاع حضرتك بمجرد ما بتحط الكارت فيه بيبدأ يعمل Activation للـ Functions المختلفة اللي اتكلمنا عنها زي الإضاءة وحركة الستاير والتكييف وكدا، مش بس الHolder اللي يقدر ياخد قرار الـ Activation دا ممكن نعمل دا من خلال الSensor اللي فى الطرقة.
عن الكاتب
