عرفنا قبل كده إن من مكونات المنظومة ما يسمي ب Field Devices وقلنا إن هي عبارة عن مجموعة من الاجهزة يتم وضعها في المنظومة بحيث أقدر أراقب او أتحكم في أي معدة.
تنقسم الي:
Sensors
Actuators
هنتكلم النهاردة عن Sensors وبالتحديد ADPS
هو اختصار ل Air Differential Pressure Switch وده من الاجهزة اللي بتكون Digital Input ل Controller يعني بيرسل قيمه ل Controller اما 0 او 1.
هو عبارة عن مفتاح بظبط عليه قيمة فرق الضغط للهواء بين نقطتين ولما فرق الضغط بيوصل للقيمة المظبوط عليها المفتاح بتتغير حالته ويرسل قيمة الي controller المتصل به.
بيحتوي علي Two Ports واحد لHigh Pressure والاخر لLow Pressure.
بستخدمه في الحالات الاتية:
لو عايز أراقب Filter داخل AHU وأعرف هل هو أتسد ولا لأ لو أتسد فرق الضغط علي Filter هيزيد فانا بظبط ADPS علي قيمة فرق ضغط معينة ولتكن 300 باسكال لو وصل فرق الضغط عليه للقيمة دي ساعتها هتتغير حالة الContact الخاصة ب ADPS وهيبعت اشاره ل Controller فالOperator يعرف ان Filter محتاج يتنضف.
لو عاير أراقب مروحة وعايز أعرف هي شغالة ولا لا ميكانيكيا فبظبط ADPS علي Setpoint ولتكن 500 باسكال فلو وصل فرق الضغط قبل وبعد المروحة للقيمة دي هتتغير حالة الContact الخاصة ب ADPS وهيبعت إشارة ل Controller فالOperator هيعرف إن Fan شغالة.
لو عايز أعرف الضغط داخل الDuct عالي ولا لا في حالة لو الدامبر الخاص ب الحريق او بالدخان اتقفل هيؤدي الي زياده في الضغط الاستاتيكي داخل Supply Duct الخاص بAHU ساعتها لو وصل الضغط للقيمة Setpoint بقفل Supply Fan الخاصة ب AHU وأتجنب حدوث Over Pressurization وفي الحالة دي بيسخدم ADPS ك High Static Safety Switch.
لو عايز أعرف الضغط داخل ال Duct منخفض ولا لا في حالة لو الدامبر الخاص ب الحريق او بالدخان أتقفل هيؤدي الي انخفاض في الضغط الاستاتيكي داخل Return Duct الخاص بAHU ساعتها لو وصل الضغط للقيمه Setpoint بقفل Exhaust Fan الخاصة ب AHU وأتجنب حدوث Duct Collapse وفي الحالة دي بستخدم ADPS كLow Static Safety Switch.
لو عايز إثبات علي إن في مرور للهواء داخل AHU وده في حالة لو في Electric Heaters اللي لازم عشان تشتغل اتاكد ان في هواء بيمر في الduct هنا بستخدم ADPS كAir Flow Proving.
لو عايز أراقب الضغط داخل غرفة فمثلا لو الضغط زاد فالغرفة نتيجة إستخدام Economizer او ما يسمي ب Free cooling اي إستخدام الهواء الخارجي في تبريد الغرفة هيؤدي الي زيادة الضغط داخل الغرفة وقد يحدث Over Pressurization مما يسبب مشاكل في فتح /غلق الباب فلو وصل الضغط لSet Point بشغل إما Pressure Relief Fans او أفتح Relief Air Dampers بحيث أقلل الضغط داخل الغرفة وهنا بستخدم ADPS ك Space Pressure Monitoring.
دي صور لكل الحالات المذكورة بتعرفني شكل ADPS و اماكنه:
عن الكاتب
